Løveparken i Danmark

17 juni tok me ferja over til Fredrikshavn i Danmark, reisefølget talte fire vaksne og fem ungar. Me reiste samman med Ståle og Anne-Beth, Julie 6 år og Oliver på 2. Første dagen gikk turen til Givsund Zoo, eller løveparken som me kjenner den som. Her var det masse små og store dyr å sjå på, kjempegøy for alle små. Sjølv om Vemund påstod at kamelane var hestar og bøflane var kyr og han såg vist pusekattar der også.

"Sjå der" Julie peikar på nokre fiskar som symjer i vatnet rundt apekattane.

Elefantane var mest opptat av å ete gras.

Her er kamelane som Vemund hardnakka påstod var hestar.

Tja, ser kanskje ut som hestar dette her?

Ingvar og Sigve var egentlig ikkje så opptatt av dei andre dyra i parken, det dei var kome for å sjå var Sjiraffane og sebraen! Det var dagens høgdepunkt for dei. Flotte dyr er det ihvertfall.

Løvene var vist ikkje like fasinerande, gutane krangla og kjekla i baksetet, store deler av parken kjøyrte me rundt i bil, då kom me svært nær dei "ville" dyra, sjølv om det var litt slitsamt å få alle tre ungane ut og inn av bilen heile tiden (og ihvertfall når dei småkrangle i baksetet, dei var nok litt trøyte etter natta på Danskebåten), veit egentlig ikkje om dei fik med seg løvene, men eg fikk no tatt eit bilete i det minste.

Men så kom me til leikeplassen, og for ein leikeplass, det var svære trampoliner og klatrestativ og husker og sklier og hinderløyper og masse gøy for små unger, her var me i fleire timar, ungane storkosa seg.

Hei, sjå på meg! Julie på ei svingstang.